PianoFVG, vincj zovins talents di dut il mont a Sacîl

Une des competizions plui di presi a nivel mondiâl e torne a Sacîl dai 6 ai 10 di Mai. Il concors internazionâl “PianoFVG”, inmaneât de associazion Piano FVG cu la direzion artistiche di Davide Fregona e fat cul Comun di Sacîl, la Regjon F-Vj e la Fondazione Friuli, al met in biele mostre i gnûf talents de tastiere- chest an 23 di 20 nazions diferentis – e si conferme un grant riclam pai zovins musiciscj di dut il mont. Tal Palaç Ragazzoni di davuelzaran di martars ai 6 a joibe ai 6 lis provis par sielzi i finaliscj, che po dopo a saran in gare vinars ai 9 e sabide ai 10. I concorints a son in dut 70 e la etât e je in medie di 25 agns: la plui zovine e je Hanna Tomina, 18 agns, i plui esperts a son ator i 30. A valutâ lis esecuzions fint ae serade di sieradure, cu la sielte dai sîs che a rivaran ae finâl dal concors tal 2026, une jurie cun pianiscj e insegnants di innomine mondiâl, vuidâts di Anna Kravtchenko. (A.I.) – 05.06.2025