“Piano Fvg”: ve i vincidôrs a Sacîl

La vincjesime seste edizion dal Concors Internazionâl di piano “PianoFVG” e je finide domenie ai 10. Un event bienâl che al puart cualchidun dai zovins pianiscj plui prometents dal mont a Sacîl di passe vincj agns. Daûr dal diretôr artistic Davide Fregona, e je stade une competizion di “nivel une vore alt”. Sieradis lis ultimis provis cun orchestre ospitadis tal Teatri “Zancanaro”, la prestigjose jurie internazionâl, vuidade de pianiste Anna Kravtchenko e sostignude di musiciscj e insegnants di nivel mondiâl, e à proclamât vincidôr il pianist polac Tomasz Marut, nassût tal 1996, che al à cjapât ancje il premi special “CEI- central european initiative. Al secont puest e je stade votade la pianiste cinês Sherri Hoi Ching Lun, che e à vût ancje il premi speciâl ““F.I.D.A.P.A.”, ufiert de sezion di Pordenon de Federazion taliane des feminis intes arts, professions e afârs. Al tierç puest il talian Domenico Bevilacqua, nassût tal 2002 a Ravenna. (A.I.) – 11.05.2026