Percoto Canta, ve cui che al va in semifinâl

A son rivâts cuasi insom, sielzûts tra passe un centenâr di partecipants. A “Percoto Canta”, la “Piçule Sanremo dal Friûl-Vignesie Julie”, une jurie nazionâl di esperts e à sielzût ae Cjase de Musiche di Çarvignan i trente partecipants pes semifinâls programadis a Grau ai 25 di Lui: cinc in plui dal numar fissât des regulis. I 12 finaliscj a saran sielzûts in direte a Grau pal conciert finâl ai 10 di Otubar tal Teatri “Verdi” di Gurize, là che a saran compagnâts di une grande orchestre direte di Nevio Lestuzzi. Plui de metât des vôs sielzudis pes semifinâls a vegnin de regjon. De provincie di Udin a son Davide Beraldo, Blecs, Alessio Cecatto, Chiara Inguscio, Roberta Iuri, Denis Lestuzzi e Melisse Scridel. Di Triest a rivin Anjelique Fontanella, Daniela Leotta, Missmas, Elisa Posani, Puntino, Davide Zancola, di Gurize invezit Gemme, Samuele Giordano e di Pordenon Jesse Joel Amoa Amoako. (A.I.) – 08.06.2026