54
La trentesime otave edizion di “Percoto Canta”, il festival che al è deventât un riferiment pes vôs masculinis e femininis che a rivin di dute la Italie, e presente la serade finâl sabide ai 25 tal teatri “Verdi” di Gurize, daspò di un Istât fate di provis e selezions. Sul palc i dodis finaliscj sielts, che a ciraran di cjapâ il premi di 10 mil euros dal Nuovo Imaie, l’istitût nazionâl pe tutele dai artiscj de musiche. La “piçule Sanremo” prometude dal diretôr artistic Nevio Lestuzzi e varà une jurie di cualitât cun Luca Pitteri, insegnant di cjant dal program de television “Amici di Maria De Filippi”, ma ancje Bianca Atzei, la docente de nestre regjon Daniela Plos e altris. (A.I.) – 24.10.2025
