Pasolini copât: un gnûf cine li di Cinemazero

Miercus ai 3, “Pasolini – Cronologjie di un crimin politic” al sarà presentât li di Cinemazero di Pordenon, il gnûf cine di ricercje dal regjist Paolo Angelini, che al sarà presint par cjatâ il public. Il documentari al presente un viaç di ricercje fat ben inte vite di Pier Paolo Pasolini dal 1960 fint al 1975: un viaç che al esamine documents, testemoneancis e omissions par rivâ a discuvierzi la veretât politiche daûr de sô muart. Il cine al met in sene plui voltis i ultins moments dal poete, ricostruintju in maniere ogni volte diferente par presentâ lis contradizions e lis domandis ancjemò cence rispueste di une storie par nuie clare. Il cine al è fondât in maniere libare sul libri cul stes non scrit di Andrea Speranzoni e Paolo Bolognesi. (A.I.) – 02.12.2025