Paschalia, un mês di musiche corâl

da Andrea Ioime

Un mês di musiche corâl cuntun calendari plen di events pe decime cuarte edizion di “Paschalia”, che dai 14 di Març fint ai 14 di Avrîl e puarte in dute la regjon la musiche des corâls de USCI dal Friul-Vignesie Julie. In dut a son passe 70 apontaments, concierts e celebrazions liturgjichis cu la musiche. Il timp di Cuaresime e di Pasche al à ispirât ancje chest an progjets speciâi, che a fasaran scoltâ al public oparis mestris de musiche antighe, repertoris de tradizion e dal dì di vuê, i rituâi de Setemane di Pasche, omaçs a innomenâts compositôrs, messis pai dîs di fieste. Joibe ai 14 si tache a Gurize te Glesie di San Carlo Borromeo cun “Tracce di Passione” de corâl Lorenzo Perosi. Sabide ai 16 la corâl “Monteverdi” di Rude e puarte la sô “Passione di Christo” tal domo di Spilimberc. (A.I.) – 13.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui