Par Folkest al è il moment dai ‘classics’

Sierade la part centrâl a Spilimberc, il festival Folkest si sposte a Udin par un pâr di concierts cun grancj ‘classics’ che a rapresentin la storie dal rock e dal folk. Miercus ai 13 in Cjistiel a rivin i Jethro Tull dal cjantant e flautist Ian Anderson. Cun plui di 50 agns di storie e passe 60 milions di albums vendûts in dut il mont, la band e je tornade a incidi un album tun studi dopo 18 agns, “The Zealot Gene”, tal centri dal conciert, dal sigûr cun ducj i sucès dal grup. Il lôr tour teatrâl de Vierte al è lât cuasi dut esaurît. (A.I.) – 12.07.2022