Palme, un grant palc di sene tal viert

Palme e torne a mudâsi ancje chest an intun grant palc di sene tal viert di vinars ai 19 fint a domenie ai 21 pe trentesime seconde edizion de Fieste de Musiche: vincjevot musiciscj, grups, cjantants e grups che a daran vite ae Place Grande, ai borcs, ai bastions, aes stradis de citât e des frazions, par trê dîs. Tredis i lûcs che a son stât sielzûts par dâ acet a un grant program musicâl che al cjape dentri gjenars e lenghis diviersis: dal rock al pop, de musiche classiche al jazz, dal folk ae musiche corâl e ancje i suns eletronics, cul conciert tradizionâl sul cricâ de albe di domenie ai 21. La manifestazion, nassude celebrâ l’at musicâl inte sô forme plui spontanie e inclusive, al da acet sedi ai artiscj professioniscj, sedi a chei apassionâts e amatoriâi. (A.I.) – 18.06.2026