Palme, ducj i premis Unesco par musiciscj zovins

A Palme il decim prin concors internazionâl musicâl “Premio Unesco” si è sierât cuntun conciert al Teatri “Gustavo Modena”, in presince dai sostignidôrs de manifestazion e de Jurie internazionâl cul diretôr artistic Franco Calabretto. La rassegne, ideade e promovude de academie musicâl “Città di Palmanova”, e à regjistrât un nivel cetant alt tai partecipants, tant che une buine part dai premis assegnâts, cu lis borsis di studi Unesco, a àn fat regjistrâ i ponts massims di 100/100. I prins premis assolûts inte categorie plui grande a son lâts ae violiniste slovene Sophia Logar e al duet Accordipiano di Katarina Peroša e Julijana Peroša. Pe categorie fint ai 16 agns, vitorie di Giada Moretti e de Tambura Orchestra. Ducj i risultâts a son in rêt: www.concorsomusicalepalmanova.it. (A.I.) – 08.05.2023