Orchestre e disco music tal cjistiel di Udin

Daspò di vê fat balâ miârs di spetatôrs tai teatris e lis arenis di Udin, Triest, Milan, Lignan e Pordenon, la Ceghedaccio Symphony Orchestra Fvg e je pronte a scrivi un altri cjapitul de sô storie. Pe prime volte, e larà su sul prestigjôs palc di sene dal Cjistiel di Udin par un conciert che al promet di trasformâ il cuel intune grande fieste sot lis stelis. “Let the music play”, il progjet pensât di Renato e Carlo Pontoni, che al messede cun sucès la atmosfere apassionante dal Ceghedaccio cuntune grande orchestre sinfoniche dal vîf direte di Denis Monte, al è programât par vinars ai 10 cun trê vôs: Lakeetra Knowles, Gianluca Amore e Stevie Biondi. (A.I.) – 09.07.2026