Omaç ai Beatles de Orchestre Sinfoniche Regjonâl

A Sacîl, lis melodiis imortâls dai Beatles a cjatin il podê de grande orchestre sinfoniche. Miercus ai 25, il Teatri “Zancanaro” al ospite “All You Need Is Love – Beatles in Symphony”, un conciert sinfonic de orchestre FVG che al è un omaç al grup plui influent de storie de musiche pop. Cuarante musiciscj de orchestre regjonâl, direts di Paolo Paroni, a laran sul palc di sene pe stagjon teatrâl inmaneade dal Circuit dal ERT, par celebrâ la “mari” di ducj i grups che a son rivâts dopo, cuntune musiche rangjade in stîl sinfonic di Daniele Russo e Valter Sivilotti. Il risultât al è un viaç sonic che al è un tribût ae creativitât di McCartney, Lennon, Harrison e Starr, tornant a dâ a chês oparis mestris une dimension epiche, mantignint tal stes timp la lôr frescjece origjinâl. (A.I.) – 24.02.2026