Nuie Baglioni: concierts rimandâts al 2027

Il conciert regjonâl di un dai artiscj talians plui innomenâts, Claudio Baglioni, al è stât rimandât. No dome il conciert, ma dut il tour, che al veve di scomençâ ai 29 di Jugn a Vignesie, in Place S, Marc, al è stât postponût dai organizadôrs al an che al ven, il 2027, par vie de polmonite fuarte che e à cjapât l’artist. La prognosi dai miedis, a fasin savê, e je di 90 dîs di polse e di curis. Il program dal “Grand Tour – La vita è adesso” al veve programât la seconde date propit chi di nô, te vile Manin a Passarian al prin di Lui, e po dopo dozenis di concierts fint ae metât di Setembar. Dut al è stât spostât al Istât dal an che al ven. Par informazions pes gnovis datis e i rimbors (dentri dai 30 di Jugn): www.friendsandpartners.it. (A.I.) – 01.06.2026