No Borders: i ultins concierts ducj intun dì

Il “No Borders Music Festival”, la rassegne musicâl rivade ae trentesime edizion, daspò di un fin de setemane cun doi grancj events – il conciert di Jovanotti, l’unic fat chest Istât, e chel di Lucio Corsi, ducj i doi plens fint al ultin puest – e à vût di meti dongje intune uniche zornade i ultins apontaments in program. La tierce e ultime setemane di concierts e jere previodude sot la mont Cjanine, a Nevee, sabide ai 2 e domenie 3 di Avost, ma stant che lis previsions dal timp no son par nuie buinis, ducj i trê concierts si fasaran tal dopomisdì di domenie sui lats di Fusinis. Il prin a sunâ, ator misdì, al sarà Goran Bregović, po dopo (ator des 2 di dopomisdì) I Patagarri e pai sierà aes 4 i Kings of Convenience. I organizadôrs a àn za sigurât che cui che nol pues partecipâ al conciert previodût par sabide, ma al veve za comprât i biliets, al pues domandâ il rimbors in rêt su: /www.ticketone.it/campaign/info-rimborsi. (A.I.) – 01.08.2025