No Borders: concierts simpri plui adalt

Dopo I lâts di Fusinis, il “No Borders” si môf in altris localitâts a cuote alte, za cognossudis intes ultimis edizions dal festival musicâl, pes ultimis tapis di une rassegne cuntune fuarte conotazion ambientâl. Sabide ai 6 aes 2 dopomisdì al ripâr ‘Gilberti’ al rive il polistrumentist e cjantautôr britanic Benjamin Clementine. Il dì dopo, sui plans di Montâs, si scomence fintremai aes 11 di matine cun Casadilego, Daniele Silvestri e Asaf Avidan. Ai 13 di Avost sot sere, par sierâ, al ‘Gilberti’ al tornarà Mannarino cuntun ‘conciert ae lune’. (A.I.) – 04.08.2022