Nina, une storie di un Friûl lontan

Il Friûl che al fevele cu la vôs des sôs liendis e che al instrece une lenghe antighe cu la musiche dal dì di vuê al torne in sene par contâ une identitât infonde. Cun “Nina-tai teatris”, une iniziative promovude dal Istitût ladin furlan Pre Checo Placerean, a van in sene lis lidrîs di chenti intune forme gnove, penze, ‘imersive’. Il spetacul, fat dal cjantant, autôr e diretôr di corâls Alessandro Pozzetto, dal storic Paolo Paron e dal musicist, compositôr e inzegnîr dal sunôr Nico Odorico, al è ambientât te Ete di Mieç in cheste tiere, tai agns 1227-1229, intune ete di bataiis, fidance e tradizions antighis. Sul palc, cun peraulis e musiche, a cjapin vite feminis che a vuarissin, vuerîrs, benandants: dutis figuris di un Mont pierdût, ma ancjemò vîf. Il spetacul al tache vinars ai 14 tal auditorium di Cosean, sabide ai 15 te palestre di Roncjis e ai 29 di Novembar a Pucinie. (A.I.) – 13.11.2025