Musiciscj zovins di dut il mont a Palme

Fint ai 10 di Mai, pe decime cuarte volte a Palme e je in vore une schirie di musiciscj zovins di dut il mont pal concors musicâl Internazionâl “Citât di Palme-Premi Unesco”: soliscj, grups di musiche di cjamare, compositôrs, corâls, orchestris e scuelis di musiche. Un mosaic di convivence tal segn de civiltât musicâl, inmaneât de Academie Musicâl e dal Comun di Palme cu la direzion artistiche di Franco Calabretto. Daspò des 250 audizions viertis al public tal teatri e la musiche in place par ducj, ogni dì, domenie ai 10 la jurie internazionâl e disarà cuai che a son i vincidôrs. I iscrits a jerin 700 di 15 Paîs, in gare par trê sezions: Premi Unesco, premi pes scuelis e chel pes gnovis musichis. (A.I.) – 08.05.2025