Musiche sacre par S. Francesc

Il Festival Internazionâl di Musiche Sacre di Pordenon al jentre tal cûr dal so program dal Istât cuntun dai events plui spietâts de stagjon. Joibe ai 18 te catedrâl di S. Marc a Pordenon, il famôs grup di musiche medievâl laReverdie, fondât tal 1986, al presente il concert “Laudarium”, ven a stâi “la tradizion de laude francescane jenfri la Italie centrâl e il Venit”. L’event al fâs part da trentesime cuinte edizion dal Festival internazionâl di musiche sacre, promovût di Presenza e Cultura sot la direzion artistiche di Franco Calabretto e Eddi De Nadai, che a àn sielt il teme “Fede e Eresie” par esplorâ i confins storics e spirituâi jenfri la ortodossie e il contrast. Il conciert al à une impuartance speciâl pes celebrazions dai 800 agns de muart di S. Francesc. Sul palc di sene, un grup di innomine internazionâl assolude al ufrirà une conte apassionant di une ete cruciâl. (A.I.) – 17.06.2026