Musiche “libare” cul circul Hybrida

La associazion culturâl Circolo Arci Hybrida e siere il “Forma Free Music Impulse Festival”, tacât tal 2005 tant che progjet dedicât ae ricercje musicâl contemporanie. Sabide ai 11, tal Teatri “Luigi Bon” di Culugne di Tavagnà la ultime serade e metarà dongje cualchidune des vôs plui interessantis inte ricercje dal sunôr contemporani: il percussionist Nicolas Remondino cul progjet Hìeratico, un gnûf cjapitul de ricercje dal musicist, compagnât dal cjantautôr cjargnel Massimo Silverio. In program, ancje Mai Mai Mai, un progjet dal musicist Toni Cutrone e il tercet american Bitchin Bajas, protagonist de sene eletroniche sperimentâl di Chicago. (A.I.) – 09.04.2026