Musiche jazz e danze par Pier Paolo

Al rive al Teatri ‘Luigi Bon’ di Culugne la “Pier Paolo Suite”, un spetacul di Glauco Venier, il pianist jazz di innomine internazionâl, nassût a Gardiscje di Sedean. Dal debut al Mittelfest il passât Lui, il spetacul al è stât presentât cun sucès intai teatris principâi des cuatri provinciis. Par cheste ultime rapresentazion dal 2022, fate in colaborazion cul Teatri Stabil Furlan, Vener al trasformarà in musiche lis lirichis furlanis di Pasolini, di Federico Tavan, Amadeo Giacomini e Novella Cantarutti, acompagnât de vôs di Alba Nacinovich. Su lis composizions, lis danzadoris de compagnie Arearea a daran vite a une coreografie di danze contemporanie firmade di Roberto Cocconi. (A.I.) – 07.12.2022