Musiche in Basiliche: ultin apontament a Grau

I “Concierts in Basiliche” a saludin Grau cul ultin apontament te Basiliche di ante Eufemie, prime di tornâ tal mês di Setembar te Basiliche di Aquilee, martars ai 26 cu la corâl feminine Multifariam di Rude une formazion nassude dentri de scuele comunâl di musiche tal 1982. La corâl e à cjantât in dute Europe, e inmanee la rassegne “la vôs des feminis”, daspò di 37 agns cu la vuide di Gianna Visintin, e je direte di Michele Gallas. Il program pe rassegne inmaneade de Fondazion Societât pe Conservazion de Basiliche di Aquilee, cu la direzion artistiche di Pier Paolo Gratton, al va di Faurè a Sant-Saens. (A.I.) – 25.08.2025