Musiche “improibide” cu la Orchestre sinfoniche regjonâl

Il teatri gnûf “Giovanni da Udine” al invide il public a rifleti ator de zornade in ricuart des vitimis dal Olocaust cu la scolte di oparis mestris in musiche scritis di Felix Mendelssohn, un compositôr “improibît” tal timp dai naziscj, Sergei Dkovic Prokofiev e Dmitrij Šostakovič. Il conciert, sunât de FVG Orchestra diret di Paolo Paroni – aes 11 di buinore pes scuelis e aes 8 e mieze sot sere par ducj—al tirarà dentri il public intun viaç traviers di epochis e lenghis diferentis. E che al è stât spartît di ducj i compositôrs e dutis lis oparis segnadis de censure, de persecuzion e de violence dal totalitarisim dal vincjesim secul. Prime dal conciert e sarà fate une introduzion dal diretôr artistic Paolo Cascio e e sarà presentade une testemoneance video di Sami Modiano, sorevivent dal Olocaust. (A.I.) – 26.01.2026