78
Dopli apontament intal calendari de vincjesime cuinte edizion dal festival di musiche e teritoris “Nei suoni dei luoghi”. Joibe ai 13, a Vile De Brandis di S. Zuan dal Nadison, conciert dal tercet dal cjantautôr Domenico Imperato, che al à vuadagnât za il Premi Fabrizio De Andrè pe cjançon di autôr. Prime dal conciert, une visite vuidade ae vile e al so parc, cun prenotazion obligatorie in rêt su prenotazioni@associazioneprogettomusica.org. Il secont apontament al è cul progjet “Vaudeville, ovvero dov’è l’Armando?”, vinars ai 14 a Vile Pighin di Pavie cu la atore e cjantante Marzia Postogna e il sopran Ilaria Zanetti, acompagnadis de pianiste Cristina Santin. (A.I.) – 12.07.2023
