“Peraulis e musiche par un doman”, sottitulât “Percors de pâs”, curât e promovût de Associazion culturâl “Le Colone” di Cjasteons di Strade e de associazion culturâl “Luigi Candoni” di Darte, al fâs tape domenie ai 5 tal studi dal artist Giorgio Celiberti a Udin. Cheste produzion dal vîf itinerante e cjape dentri cjantants, musiciscj e naratôrs, cu la presince de corâl Le Colone, i rangjaments di Valter Sivilotti, Renato Miani, Nicola e Francesco Tirelli e la regjie di Giuliano Bonanni. Il diretôr artistic Giuseppe Tirelli al à sielzût cualchi testemoneance dal pinsîr e de scriture di poetis furlans che no si puedin dismenteâ, di Pierluigi Capello a David Maria Turoldo e Pier Paolo Pasolini. I tocs musicâi a son rangjaments dal repertori de Premiata Forneria Marconi, dal Banco di Mutuo Soccorso, di Fabrizio De André e di altris.(A.I.) – 04.07.2027
Foto di L. d’Agostino
