Musiche e peraulis par Gaza

Dôs seradis par Gaza in regjon par un progjet nassût sul ôr jenfri Venit e Friûl, là che al lavore Matteo Zavattin, che cul non di NTR Mission al prodûs di uns dîs agns musiche eletroniche dispès sperimentâl. Adun cun Paolo Taviano/zerosummer, a compagnaran lis leturis fatis di Michele Guerra dal scritôr Mahmoud Darwish e i videos zirâts dai civîi intai ultins doi agns a Gaza. La leture multimediâl “Generazione Gaza” e sarà presentade vinars ai 14 tal circul Arci “Piano B” di Triest e sabide ai 15 te sale Menocchio di Montreâl par promovi il progjet “Help Gaza Now”, par judâ cumò un lûc e une popolazion sdrumâts des bombis par mês. (A.I.) – 13.11.2025