Musiche e narazion par Pordenon

Il progjet “Festival Talk Radio”, promovût de Academie di Musiche “Naonis”, al fâs part de iniziative “Viers Pordenon la Capitâl Taliane de Culture 2027”. Di miercus ai 13 e fint ai 16 di Mai, al puartarà trê seradis dedicadis al incuintri de musiche dal vîf cu la peraule e la narazion di storiis tal Auditorium “Concordia”. Ideât e diret di Marco Caronna, il festival al messede une atmosfere radiofoniche, musiche e narazion dal vîf, puartant il public dentri di storiis, emozions e ricuarts cu la partecipazion de orchestre e dai soliscj de Academie di Musiche Naonis. Il festival al scomence cun “Non sarà un’avventura”, cun Deborah Iurato e la Orchestre des Feminis de Sicilie, in colaborazion cu la Naonis Women Orchestra, che e fâs il so esordi. Direte di par Alessandra Pipitone, la orchestre e ufrîs une interpretazion des cjançons plui innomenadis di Lucio Battisti, viodudis de bande des feminis. Il dì dopo, spazi a “Musicanti” cun Beppe Carletti e Yuri Cilloni par une storie conciert che e conte un dai grups plui amâts de Italie. Il festival si siere sabide ai 16 di Mai aes 8:30 sot sere cun Federico Buffa e il spetacul “Ribelli – L’ultima partita alla radio”, un viaç traviers de storie, dal sport e de memorie che al instrece peraulis e musiche dal vîf. (A.I.) – 12.05.2026