Musiche e dissen dal vîf par contâ il taramot

Sabide ai 9 di Mai a Tramonç Disore, “Polinote” e presente pe prime volte une gnove produzion cun musiche e dissen dal vîf, Un spetacul penç, “Il terremoto del Friuli”, Il taramot dal Friûl, bon di sburtâ fûr emozions, storiis e ancje i cidinôrs dal 1976. La musiche e sarà chê scrite e sunade dal jazzist furlan Francesco Bearzatti adun cun Juri Dal Dan al piano e Umberto “U.T. Gandhi” Trombetta ae batarie. Al centri dal progjet il dissegnadôr Paolo Cossi, autôr di un libri a fumets cul stes titul dal spetacul, che al è a pene stât ristampât. (A.I.) – 08.05.2025