Musiche dal vîf par une opare mestre dal cine

Apontament di no pierdi pai amants dal grant cine, vinars ai 9 di Mai aes 9 di sere li dal Cinemazero di Pordenon, cul speciâl cine conciert dedicât a une des oparis mestris de storie: “Nosferatu il vampiro” di Friedrich Wilhelm Murnau, che si viodarà inte version restaurade in graciis de F.W. Murnau Stiftung di Wiesbaden. Il cine, gjavât fûr dal romanç “Dracula” di Bram Stoker, al sarà compagnât de musiche origjinâl fate di Lorenzo Gioelli e sunade dal vîf dal autôr adun cun Luca Cossettini. L’event al sarà presentât di Roberto Calabretto, docent e studiôs di cine e musiche, che al vuidarà il public ae scuvierte de opare. (A.I.) – 08.05.2025