Musiche baroche te glesie di Tiepolo

Un gnûf event musicâl inmaneât de Academie “Antonio Ricci” di Udin te suaze des “Zornadis dal Tiepolo” cun ospit il violoncelist Michele Marco Rossi, che joibe ai 18, aes 8.30 sot sere, al sunarà un program dedicât al baroc, cjapant dentri ancje une opare contemporanie, tal Oratori de Vergjine de Puritât di Udin. Dongje di dôs composizions di Johann Sebastian Bach, Rossi al sunarà ancje la “Lamentatio” di Giovanni Sollima, componude tal 1998. Ospit regolâr des grandis stagjons di concierts, Michele Marco Rossi al à sunât cui diretôrs e orchestris plui cognossûts dal nestri timp, presentant programs di un repertori che al va indaûr di cinccent agns. (A.I.) – 17.12.2025