Muccino dal cine al teatri

Al è stât un cine di cult, daspò di chel une serie televisive di sucès, e cumò al rive sui palcs di sene talians, cun protagonist cualchi atôr une vore preseât di Giuseppe Zeno a Anna Galiena: “A casa tutti bene” (A cjase ducj ben) di Gabriele Muccino al rive tal Teatri gnûf “Giovanni da Udine” di vinars ai 20 fint a domenie ai 22. Cheste e je la prime prove dal regjist sul palc di sene: “Puartâ ‘A Casa Tutti Bene’ al teatri – al sclarìs – e je une aventure impuartante par me e ancje une evoluzion naturâl de storie. Dut câs, e je une storie universâl dulà che ducj a puedin identificâsi, cjatant intai leams complès de famee un riflès des lôr esperiencis.” (A.I.) – 19.03.2026