“More than Jazz”: i prins nons par Udin

Dal plaçâl dal cjistiel di Udin fint ae Cort Morpurgo, passant traviers dai gnûfs spazis de “Cavallerizza” par rivâ infin al Vigne Museum di Rosacis. La otave edizion di “More Than Jazz” si prepare a mudâ il Friûl-Vignesie Julie intune mape sonore difondude, dulà che la musiche e travierse lûcs, culturis e storiis. La gnove edizion dal festival, intitulade “Transiti Atlantici” (Transit atlantics), e je daûr a cjapâ forme: un gnûf viaç musicâl pensât e inmaneât di SimulArte, cuntun program che al esplore i cambiaments gjeografics, i incuintris jenfri lenghis, tradizions e identitâts musicâls. Ai 20 di Jugn, la Cort Morpurgo di Udin e darà acet a une storie musicâl cun Gabriele Mirabassi, Cristina Renzetti e Roberto Taufic. Po dopo, la musiciste jazz Maria Pia De Vito, la taliane-argjentine Sarit, la vôs di Raiz su in cjistiel, il baterist Antonio Sanchez (cognossût par vê sunât cun Pat Metheny) e il saxofonist Miguel Zenón tai gnûfs spazis de Cavallerizza, intant che Antonello Salis al sunarà fûr de citât, tal Museu tal viert di Rosacis di Manzan. (A.I.) – 15.04.2026