Moni Ovadia a S. Denêl cul so prin ‘conciert’

Daspò di vê zirât la regjon, il storic festival Folkest al rive a S. Denêl, là che di cualchi an si davuelzin lis zornadis di sieradure. Joibe ai 3, tal parc dal Cjistiel, al è in program “Yiddish Blues”, il conciert di Moni Ovadia ideât e creât cun Giovanna Famulari (violoncel, vôs e piano) e Michele Gazich (violin, vôs e altris struments). Nol è un spetacul di teatri e nancje ‘teatri cjançon’, ma pe prime volte “il conciert di Moni Ovadia” che al deventarà ancje un disc e che al è presentât a Folkest in anteprime nazionâl. “Yiddish Blues” al jentre tes musichis e tes poesiis des culturis dai esilis, te spiritualitât dai popui cence une patrie, tal dûl che si mude intun cjant. (A.I.) – 02.07.2025

Foto di L. d’Agostino