Mittelfest: daspò di Cividât e je pronte Gurize

Si è sierade cuntun bon belanç e un rinfuarciment des presincis la trentesime cuarte edizion dal Mittelfest, che par 10 dîs a Cividât e à tirât dentri il public fevelant dal confin jenfri just e sbaliât e soredut ator dal teme “tabù” sielt dal diretôr artistic Giacomo Pedini. Sierât cuntun spetacul che al à jemplât il teatri Verdi di Gurize (sielt par vie dal brut timp), il conciert di Malika Ayane cu la orchestre Corelli, il Mittelfest al à za anunziât il teme dal an che al ven, intune conference de presidente Cristina Mattiussi cul diretôr artistic: la pôre. Ancje se il timp nol à judât, ducj i spetacui a jerin stâts pensâts par une version tal viert e une tal cuviert. Bogns i prins numars dal bon acet dal public, a tacâ des presincis in rêt sui social, in incressite. “Il public al ven su propit compagn dal festival – al à comentât Pedini – Un progjet che aromai e je une garanzie di propuestis di valôr e di maravee, sedi popolârs che plui insolits”. E di Setembar, lis produzions dal Mittelfest de trilogjie “Inabili alla morte/ Nezmožni umreti” a van in sene ancje a Gurize e Gnove Gurize. (A.I.) – 29.07.2025