Mittelfest al torne a tacâ dal confin e al presente un progjet a Milan

da Andrea Ioime

Al è stât presentât a Milan un grant progjet dal Mittelfest che al vûl jessi une leture dal presint de Europe, tacant di un confin e des vicendis storichis che lu àn gjenerât. Il progjet “Inabii ae muart/Nezmožni umreti”, ideât e diret di Giacomo Pedini, il diretôr artistic dal festival, al sarà dentri dal program di events uficiâi prime di “GO! 2025”, Nova Gorica e Gurize capitâl europeane de culture 2025: dôs citâts al incrosament di trê culturis europeanis che a rapresentin adun la storie vivente dal continent dopo lis vueris mondiâls, lis divisions e lis provis di passâ. Il titul al ven di un toc de opare mestre di Joseph Roth, il romanç “La cripta dei cappuccini”, e al previôt trê spetacui teatrâi (un a Gurize in Mai, un di là dal confin in Novembar, l’ultin intal 2025), la lôr version radiofoniche, un documentari e une publicazion leterarie, cul lavôr di artiscj impuartants. (A.I.) – 17.01.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui