Mitili Flk: daspò 30 agns, il prin album ‘dal vîf’

Trente agns indaûr, inte Vierte dal 1993, al vignì fûr un album che al rapresente ancjemò il principi uficiâl de ‘gnove musiche furlane’. Une misture di rock, folk, ritmis balcanics e rap, intitulade “Ratatuje”, fate in pôcs dîs di un grup che al sunave dute une altre musiche, e che po dopo e je deventade un toc di storie: i Mitili FLK. Di vinars ai 28 fint a domenie ai 30, cinc components origjinâi si cjataran tal auditorium di Prissinins par regjistrâ il lôr prin album ‘live’, o miôr ‘dal vîf in studi’. Domenie a sieraran cuntun conciert lis celebrazions pe Fieste de Patrie dal Friûl. (A.I.) – 27.04.2023