Mil sunadôrs di bandis tal centri di Udin

Passe mil sunadôrs di cuarante associazions bandistichis dal Friûl-Vignesie Julie a saran tes placis e tes stradis dal centri storic di Udin sabide ai 27 te suaze de cuarantesime seste rassegne regjonâl di bandis musicâls. Un apontament che chest an al vâl il dopli, parcè che al jentre tes celebrazions pal setantesim aniversari de Ambima nazionâl, la associazion des bandis musicâls autonomis. A Udin al sarà ancje il president nazionâl, Giampaolo Lazzeri. La musiche e tacarà aes 3.30 di dopomisdì cu la sfilade dai grups e le majorettes e si sierarà aes 5 cul conciert di ducj i grups in place Libertât, là che al sarà il passaç simbolic dal testemoni ae citât che e darà acet ae rassegne l’an che al ven: Manià. (A.I.) – 25.09.2025