Mercelli, un ami di “Carniarmonie” a Dimplan

Il flautist di innomine internazionâl Massimo Mercelli, un ami dal festival musicâl de mont furlane inmaneât de Fondazion Bon di Culugne cu la direzion artistiche di Claudio Mansutti, al è ospit di “Carniarmonie” sabide ai 26. Adun cuntune formazion straordenarie nassude tal 1968, i Solisti Aquilani, al sunarà te glesie di S. Stiefin a Dimplan une grande opare di Johann Sebastian Bach: l’“Offerta musicale”. Mercelli al è sunât oparis – dispès scritis a pueste par lui – di Penderecki, Gubaidulina, Glass, Nyman, Bacalov, Galliano, Morricone, Sollima, Piovani e cetancj altris. (A.I.) – 25.07.2025