Mauro Corona: une vite mostrade al cine

L’om dai boscs e des pieris di Nert, il scritôr, scultôr, alpinist e filosof dal ambient che di agnorums al è in television a fevelâ di nature, a promovi lûcs, amîs, int di culture o di art che e je dongje dal so mût di intindi la vite, al torne sul grant schermi. Dai 5 ai 7 di Mai si mostre tes salis di dute Italie cun “La mia vita finché capita” (La me vite fin che e rive), diret di Niccolò Maria Pagani e puartât ator di Wanted Cinema e il CAI, il Club alpin talian. Cuntune des vôs plui innomenadis dal cine talian a contâ dute la storie – chê di Giancarlo Giannini, atôr e dopleadôr des stelis di Hollywood -, il cine documentari al met dongje i moments plui impuartants de vite di Corona, des scjaladis ae ativitât di scultôr, fint ai libris. Soredut, lis storiis che pôcs a cognossin ben. A Udin si pues viodi li dal “Visionario” di lunis ai 5 fint a miercus ai 7 di Mai. (A.I.) – 05.06.2025