Cul spetacul “Giacomo (Matteotti)!” de compagnie Teatro dei Borgia, in sene a cent agns esats dal sassinament dal aversari plui fuart di Mussolini, al scree a Udin miercus ai 12, aes 9 sot sere li dal Teatri S. Zorç, “Festil”, il Festival estîf dal Litorâl. La tragjedie politiche di Elena Cotugno e Gianpiero Borgia, gjavade fûr dai verbâi di dôs assembleis parlamentârs, e vûl meti in risalt il discors politic dal statist, metint a confront i siei ultins intervents in Parlament, massime il secont, là che al veve contestât i risultâts des elezions di chel an. Al è un invît a rifleti sul sens de militance politiche, sui dirits di citadinance e su la pussibilitât di oponisi ae violence fassiste riclamantsi ai valôrs di libertât e di democrazie. (A.I.) – 10.06.2024
Foto di L. Del Pia
