Mario Fantin, l’esploradôr che al à filmât lis plui altis cimis

Prime di lui, nissun no si jere sburtât tant adalt par fâ ripresis cinematografichis: Mario Fantin al è cognossût par vê documentât la concuiste taliane storiche dal K2 intal 1954, ma cu lis sôs video esplorazions al e rivât a une vore di altris cjantons lontans de tiere. Il documentari che al ripasse la sô storie, “Il mondo in camera”, mostrât in anteprime al Trento Film Festival, al sarà a Cinemazero joibe al 1n, aes 9 di sere, e al Visionario di Udin vinars ai 2 aes 8, inte suaze de rassegne “Verso le otto montagne – Ciclo di film ad alta quota”. Il cine al segne il ritrat dal fotograf e esploradôr nassût a Bologne di gjenitôrs furlans e muart in maniere tragjiche dopo vê fat grandis impresis, miârs di foto e cuasi 50 cine. (A.I.) – 30.11.2022