Marco Paolini: doi spetacui diviers in doi dîs

Doi spetacui in doi dîs par Marco Paolini in regjon. Martars ai 28 al sarà al Gnûf Teatri Comunâl di Gardiscje cun “Antenati – The grave party”, un spetacul leât al progjet “La Fabriche dal Mont”, che al ripasse la evoluzion de nestre specie. Il dì dopo, al “Pasolini” di Cjasarse, acompagnât sul palc des vôs e de musiche di Saba Anglana e Lorenzo Monguzzi, Paolini al sarà protagonist de balade popolâr “Sani!”, un spetacul autobiografic che al messede storiis e cjançons, al conte lis crisis tant che ocasions, tacant dai temis di fonts de crisi climatiche e de transizion ecologjiche. (A.I.) – 27.03.2023

(Foto di Gianluca Moretto)