Marco Mengoni al partirà di Bibione

No propit dal Friûl, ma dongje: al è il lûc sielt di  Marco Mengoni, che dopo un 2022 di protagonist, cu la seconde part dal progjet discografic “Materia”, i “sold out” a Milan e Rome e il tour intai palaçuts, al à fissât za lis datis pal 2023. Dopo il Festival di Sanremo, dulà che al sarà un dai “big” plui spietâts,  il so tour “#MarcoNegliStadi2023″, prodot di Live Nation Italia, e debutarà sabide ai 17 di Jugn al Stadi Comunâl di Bibione, che si riconferme pont di riferiment pes “datis zero” dai plui impuartants artiscj talians.  (A.I.) – 05.12.2022