Manuel Agnelli de Tv al eco-festival di Gardiscje

La arene dal Cjistiel di Gardiscje, gnûf spazi dal eco-festival “Onde mediterranee”, si vierç miercus ai 27 di Lui cu la musiche di Manuel Agnelli: cjantautôr, musicist, produtôr discografic, stele de Tv, autôr, fondadôr e frontman de plui impuartant rock band taliane dai ultins decenis, i Afterhours. Agnelli al puartarà a Gardiscje, cuntun grup ecezionâl, il so gnûf progjet solist che al precêt la jessude a fin di Setembar dal so gnûf album. Fin ai 30 di Lui, la arene dal Cjistiel si trasforme dopomisdì intune place di comunitât, dulà che la musiche dai grancj concierts de sere e je nudride di azions e pinsîrs sul nestri mût di stâ al mont e di vivi sul planet Tiere, in graciis dai laboratoris, dai bancuts e des cunvignis organizadis di “NoPlanetB”. (A.I.) – 26.07.2022