Manià capitâl de vôs pe 15e volte

Dopo la anteprime di Elsa Martin e Stefano Battaglia, e scomence la 15e edizion dal festival internazionâl “Vocalia”. Joibe ai 27 al ‘Verdi di Manià e rive Tosca cun “Morabeza special”, un program che al puartarà il public inte atmosfere di un imagjinari tinel sudamerican. Traviers un dialic cui siei musiciscj, la cjantante e presente cjançons origjinâls, rivisitazions di classics de musiche dal mont, tocs de tradizion in cinc lenghis diviersis. Intes altris dôs seradis, vinars e sabide, a Manià si esibiran i Extraliscio e il brasilian Toquinho, acompagnât di une altre vôs brasiliane, chê di Camilla Faustino. (A.I.) – 24.10.2022