Folkest al celebre i siei 45 agns cun cualchi novitât impuartante, tornant ae sô prime sede, S. Denêl, cuntune gnove colaborazion cun “Aria di festa”. Il festival musicâl, che al è stât presentât te Biblioteche “Guarneriana”, al proponarà un program plen di ospits, che al vierç lis sôs puartis in mût significatîf aes professionalitâts internazionâls dal grant mont de musiche folk e world. Il diretôr artistic Andrea Del Favero al à volût un fuart segn di continuitât cu la tradizion, ma ancje cu la storie musicâl plui resinte: par chest a saran nons tant che Riccardo Tesi, la Nuova Compagnia di Canto Popolare, Massimo Priviero, ma ancje i 99 Posse, Xavier Rudd e Randy Brecker. Intes zornadis a S. Denêl al sarà preparât un palc ‘vert’ e ecologjic, alimentât cun panei fotovoltaics: dai 30 di Jugn ai 3 di Lui a son in cartelon il Premi Folkest, il Folkest Showcase cu lis gnovis propuestis, lis finâls dal Premio Cesa e il Folk Clinic. Il lunc viaç intai comuns de regjon e tocjarà une ventine di lûcs, dai 11 di Jugn fint a metât Avost, di Udin fin a Cjaudistrie. (A.I.) – 23.05.2023
216
