45
La ironie e je une des carateristichis che a àn fat deventâ innomenât Lelio Luttazzi, pianist, atôr, cjantant, diretôr di orchestre e om di spetacul, nassût a Triest intal 1923. “Lelio Luttazzi: ironia in swing” al è l’omaç cun grant passion che la Orchestre dai zovins Filarmonici Friulani e à decidût di fâ a un grant artist de regjon. Il spetacul al sarà presentât pe prime volte martars ai 5 di Març tal Teatri Plinio Clabassi di Sedean pe Stagjon dal circuit dal ERT inmaneade cul Comun. Sul palc, adun cu la orchestre, dute cun musiciscj di mancul di 35 agns, la vôs jazz di Boris Savoldelli e U.T. Gandhi ae batarie, sot de direzion dal triestin Marco Battigelli. (A.I.) – 04.03.2024
