173
Un grant classic de liriche al Teatri Gnûf ‘Giovanni da Udine’ sabide ai 14, dopo une edizion speciâl pes scuelis, lade in sene joibe di matine: l’Otello, drame liric in cuatri ats, che al segnà la tornade di Giuseppe Verdi ae liriche dopo 13 agns. Di là di un secul de sô prime rapresentazion, la opare e rive pe prime volte in sene al Teatron, inte gnove produzion dal “Teatro Lirico Verdi” di Triest: no une sielte casuâl, viodût che inte capitâl regjonâl il drame di Shakespeare di tradiment, conzuris e zelosie al vignì presentât pe prime volte bielzà intal 1889. Il diretôr de orchestre, de corâl e dai soliscj al è il mestri di origjins israelianis Daniel Oren. (A.I.) – 12.01.2023
