L’Orcolat di Cristicchi presentât in Americhe

In ricuart dal cincuantesim aniversari dal taramot in Friûl, il spetacul di Simone Cristicchi “Orcolat ’76” al è stât presentât dentri de Ambassade taliane di Washington, tai Stâts Unîts. Inmaneât dal Ert-F-Vj, l’Ent Regjonâl Teatrâl dal Friûl-Vignesie Julie cu la Academie di Musiche “Naonis”, diret di Valter Sivilotti, il spetacul al è stât un moment di riflession dedicât ae memorie de ricostruzion, che e à rapresentât ancje une oportunitât impuartante par promovi un toc di storie locâl cussì impuartant pe regjon aes comunitâts talianis tal forest e ancje al public internazionâl. Al spetacul a jerin presints cetancj rapresentants das autoritâts, a tacâ dal governadôr Massimiliano Fedriga, l’ambassadôr talian tai Stâts Unîts, Marco Peronaci, il sindic di Glemone, Roberto Revelant, i assessôrs regjonâi Barbara Zilli, Sergio Emidio Bini e Pierpaolo Roberti, il puartevôs dal governadôr Edoardo Petiziol e il president dal Ert, Fabrizio Pitton. (A.I.) – 22.04.2026