Lis Zornadis dal cine mut ancjemò festival dal an

da Andrea Ioime

Lis Zornadis dal cine mut di Pordenon votadis il miôr festival dal an dai esperts dal setôr. Su “Silent London” a son stâts publicâts i risultâts dal scandai anuâl condot de gjornaliste e studiose britaniche Pamela Hutchinson. Judicadis ancjemò une volte il miôr festival di cine mut dal 2024, ancje par ce che al rivuarde la sezion in rêt, lis Zornadis a son stadis judicadis e votadis di esperts e apassionâts di cine mut in tantis categoriis. Par esempli, “The Winning of Barbars Worth”, l’avigniment speciâl che a Otubar al à sierât tal Teatri “Verdi” la cuarantesime tierce edizion al è risultât il miôr acompagnament orchestrâl di un cine mut. La sfide pal miôr acompagnament fat di un pianist e je stade vinçude di altris doi musiciscj “di cjase” a Pordenon, Stephen Horne e Frank Bockius. Il scandai al premie lis sieltis dal diretôr Jay Weissberg ancje par ce che al tocje lis “scuviertis” dal 2024. (A.I.) – 03.02.2025

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Progjet finanziât de ARLeF
Agjenzie Regjonâl pe Lenghe Furlane

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui