Lis vôs gnovis dai curtmetraçs de regjon

Un univiers piçul ma potent di zovins regjiscj al è in cressite inte nestre regjon. Nassûts di une passion pal cine, a son daûr a creâ une galassie di curtmetraçs ecezionâi che a stan deventant popolârs a la svelte intai festival dal setôr. Ma parcè no puartâju ancje al public des salis? Di chi a è nassût “Cortoverso”, gnovis vôs dal F-Vj, une serade che e varès di jessi la prime di une schirie. E je une oportunitât par cjatâ i zovins regjiscj e lis zovinis regjistis e forsit par ispirâ cualchidun altri, par capî di dulà che a àn scomençât (autoproduzions, workshop universitaris, produtôrs locâi…) e dulà che a vuelin lâ. L’event al è program joibe ai 11 aes 8 sot sere tal “Visionario” di Udin, là che si viodaran curtmetraçs di Aurora Ovan, Ajad Noor, Marco Bertoia e Vinicius Bellemo. (A.I.) – 10.12.2025