Lis veretâts discomudis di “Coliandro”

Giampaolo Morelli, il preseât personaç televisîf dal ispetôr Coliandro, al sarà ospit tal circuit dal ERT par une serade cu la sô comedie “Scomode verità e 3 storie vere” (Veretâts discomudis e trê storiis veris). Il monolic, scrit cu la colaborazion di Gianluca Ansanelli, al sarà presentât miercus ai 21 tal teatri Benois De Cecco di Codroip. Compagnât sul palc di sene dal pianist, compositôr e multistrumentâl Sergio Colicchio, Morelli si conte e si presente al public midiant di une interpretazion iriverente, caustiche e simpri une vore oneste. Lis veretâts discomudis, di fat, no son nuie di plui che une sunte des nestris debilecis umanis e des ossessions de nestre vite di ogni dì. (A.I.) – 20.01.2026

Foto di C. Calabrò